Byrek me mish dhe qepë
Përbërësit:
Për brumin:
- 700 gr miell
- Kripë
- Ujë
Për mbushjen:
- 4 qepë mesatare
- 500 gr mish viçi
- 3 domate
- 2 speca
- 3 lgj vaj ulliri
- Kripë, piper
- Niseshte për hapjen e petëve
Përgatitja:
Fillimisht përgatisim brumin me miell, pak kripë dhe ujë. E ndajmë brumin në 14 kuleçë të vegjël.
Në një tigan me pak vaj ulliri kaurdisim qepët e grira imët, më pas shtojmë mishin në copëza të cilin e kemi zjerë më parë. Shtojmë specat dhe domatet në kubikë dhe vazhdojmë kaurdisjen. Në fund rregullojmë shijen me kripë dhe piper.
Marrim 7 kuleçë dhe i hapim në diametër të vogël, I vendosim njëra mbi tjetrën dhe hapim një petë të madhe. E vendosim petën në tavë, shtrojmë mbushjen dhe më pas vendosim petën tjetër të hapur në të njëjtën mënyrë si petën e parë. E vendosim byrekun të piqet në furrë të parangrohur në temperaturën 180 gradë Celsius.
Komento
