Byrek me oriz
Përbërësit:
- 400 gr miell
- 1 kokërr vezë
- 1 lugë gjelle vaj ulliri
- 200-250 ml ujë të vakët
- Pak kripë
- Niseshte për hollimin e petëve
Për mbushjen:
- 500 gr oriz
- 300 gr djathë të bardhë
- 4-5 vezë
- 3 lugë gjalpë të tretur
- 1 filxhan kafeje vaj ulliri
- 1 tufë kopër
- 1 tufë majdanoz
- Kripë e piper
Përgatitja:
Ziejmë orizin derisa të dalë gjysmë i zier dhe e kullojmë. E lëmë mënjanë derisa të ftohet. Shtojmë vezët e rrahura lehtë, djathin e grirë, gjalpin e tretur si dhe koprën e majdanozin të grirë hollë, kripë e piper sipas dëshirës. I përziejmë mirë. Fillojmë të përgatisim brumin duke hedhur miellin në një tepsi. Hapim një gropë në mes të miellit ku hedhim vezën, vajin e ullirit dhe ujin e vakët (ku kemi tretur pak kripë). I punojmë bashkë për disa minuta derisa të përftojmë një masë të plotë brumi. Brumin e mbulojmë me një pecetë dhe e lëmë 10-15 minuta. Ndërkohë marrim brumin dhe e ndajmë në kuleçë të vegjël aq sa petë do të tërhollim. I hapim kuleçët e vegjël me niseshte. Petët i hapim më të mëdha se tepsia. Në një tepsi të lyer me vaj shtrojmë 2 petë, duke i spërkatur e lyer një nga një me vaj ulliri. Pasi shtrojmë petën e tretë, fillojmë e hedhim mbushjen e përgatitur në tërë petën. Më pas shtrojmë edhe dy petë të tjera, pastaj hedhim mbushjen. Pra, shtrojmë mbushje në çdo dy petë. E pjekim byrekun në furrë të ngrohur më parë, derisa të marrë ngjyrë të artë.
Komente
