Byrek me patëllxhanë
Përbërësit:
- 500 gr petë për byrek
- 2 patëllxhanë mesatare
- 150 gr oriz
- 200 gr djathë i bardhë
- 1 qepë e vogël
- 1 kokërr domate
- 3 lugë gjelle vaj ulliri
- 1 kokërr vezë
- Kripë, piper
- Kopër ose majdanoz i freskët
- Vaj për të lyer petët
Përgatitja:
Lajmë patëllxhanët, i presim në kubikë të vegjël dhe i skuqim me pak vaj ulliri derisa të zbuten dhe të marrin ngjyrë. Në një tigan tjetër skuqim qepën, më pas shtojmë domaten në kubikë duke e lënë të gatuhet derisa të avullojë lëngu. Ndërkohë ziejmë orizin derisa të jetë gjysmë i zbutur dhe e kullojmë. Përziejmë më pas patëllxhanët, orizin, qepën e domaten dhe djathin e thërrmuar. E rregullojmë me kripë, piper dhe erëza të freskëta sipas dëshirës. Lyejmë tavën me pak vaj dhe shtrojmë gjysmën e petëve duke i lyer secilën me vaj. Hedhim mbushjen mbi petët e vendosura. Shtrojmë petët e mbetura mbi mbushje, duke i lyer gjithashtu secilën me vaj. Rrahim një vezë dhe e lyejmë sipërfaqen e byrekut. E pjekim në furrë të parangrohur në 180°C për rreth 40-45 minuta, derisa të marrë një ngjyrë të artë.
