Receta

Byrek me qepë dhe domate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

30 Prill, 12:06| Përditesimi: 30 Prill, 12:07

  • Share

Byrek me qepë dhe domate

Përbërësit:

  • 4 gota miell
  • 1 gotë ujë i vakët
  • 1 gotë qumësht
  • 1 lgj maja e thatë
  • 1 lç kripë
  • 1 kg qepë
  • 1 kg domate
  • Vaj për skuqje
  • Nenexhik
  • Kripë, piper

Përgatitja:

Aktivizojmë majanë me një gotë ujë të vakët dhe një gotë qumësht të vakët. I përziejmë mirë dhe shtojmë miellin pak nga pak duke e punuar brumin derisa të bëhet elastik. E vendosim në një tas dhe e lëmë të pushojë për rreth 30-40 minuta. Pasi brumi të ketë ardhur, e punojmë pak për 30 sekonda sa t'i japim formë dhe e presim në 3 kulaçë të mëdhenj. Në një tigan të madh kaurdisim qepët e  grira me pak kripë. Pasi qepa të tretet shtojmë domatet, i lëmë të treten dhe rregullojmë shijen me kripë dhe erëza. Hapim petën e parë të madhe, vendosim mbushjen, hapim petën e dytë, shtrojmë mbyshje dhe e spërkasim me vaj. Hapim petën e tretë dhe mbulojmë anësoret me petën e parë. E spërkasim me vaj dhe e vendosim në furrë në temperaturën 200 gradë derisa byreku të piqet.

MC/ReportTv.al
Komento

Komente

  • Sondazhi i ditës:

    1 maji, sa respektohen të drejtat e punëtorëve në Shqipëri?