Byrek me qumësht dhe mazë
Përbërësit:
- 1 pako peta
- 1 .5 litër qumësht
- 300 gr ajkë qumështi
- 6 kokrra vezë
- 180 gr gjalpë i tretur
- 1 lç kripë
- 1 lç sodë buke
Për spërkatje:
- 1 vezë
- 1 fç qumësht
Përgatitja:
Rrahim vezët së bashku me qumështin. Shtojmë më pas mazën dhe pak kripë dhe sodë buke. Lagim petët me qumësht.
Spërkasim mirë një tepsi me gjalpë, shtrojmë petët e lagura me qumësht duke i spërkatur me gjalpë të tretur. Veprojmë kështu derisa të mbarojnë petët. Masën e qumështit me vezë dhe mazë që tepron e shtojmë në tepsi dhe në fund e spërkasim me gjalpë. E lemë të pushojë për rreth 30 minuta dhe më pas e lyejmë sipërfaqen e byrekut me një vezë të rrahur me pak qumësht. E vendosim byrekun të piqet në furrë të parangrohur në temperaturën 200 gradë Celsius për 45 minuta.
Komento
