Receta

Byreku i verës me 12 jeshillëqe nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

14 Mars, 12:22| Përditesimi: 14 Mars, 12:24

  • Share

Byreku i verës me 12 jeshillëqe

Përbërësit:

  • 1 pako petë
  • Spinaq
  • Pazi
  • Hithra
  • Lëpjetë
  • Labot
  • Presh
  • Qumështore
  • Qepë të njoma
  • Hudhra të njoma
  • Majdanoz
  • Nenexhik
  • Kopër
  • 4 kokrra vezë
  • 250 ml qumësht
  • 150 ml vaj ulliri
  • 200 gr djath i bardhë
  • 1 lgj gjalpë i tretur
  • Kripë, piper

Përgatitja:

Të gjitha jeshillëqet pasi i kemi larë mirë, i presim imët, i shtrydhim me duar dhe i përziejmë me djathin e thërrmuar, tre vezë dhe pak qumësht. Pjesën tjetër të qumështit e përziejmë me një kokërr vezë dhe vajin e ullirit për të spërkatur petët. Shtrojmë petët në tepsi duke i spërkatur çdo dy petë me masën e qumështit me vaj. Vendosim mbushjen duke e hapur mirë dhe vazhdojmë me petët e tjera duke i spërkatur. Në fund e lyejmë sipërfaqen e byrekut me gjalpë të tretur dhe e vendosim të piqet në furrë të nxehtë në 200 gradë Celsius për 45 minuta.

 

MC/ReportTv.al
Komento

Komente

  • Sondazhi i ditës:

    Zgjedhjet e 11 majit, cila listë e kandidatëve iu bind më shumë?