Shefja e Operacionit Ndërkombëtare të Monitorimit në Shqipëri, mbikëqyrja e ndërkombëtarëve në procesin e vettingut, Genoveva Ruiz Calavera është emëruar nga Komisioni Europian si Drejtore e Përgjithshme e Departamentit të Interpretimit ose SCIC. Nuk ka ende një datë fikse se kur Calavera do të marrë postin e ri, por deri në atë kohë ajo do të vazhdojë të qëndrojë në krye të ONM-së dhe Drejtore për Ballkanin Perëndimor në Drejtorinë e Përgjithshme për Negociatat e Fqinjësisë dhe Zgjerimit, post që e mban prej 2016.
“Sot, Komisioni Evropian ka vendosur të emërojë Genoveva Ruiz Calavera si Drejtore të Përgjithshme të Departamentit të Interpretimit (SCIC). Në emërimin e zonjës Ruiz Calavera në këtë funksion, Komisioni përfiton nga një profesionist me përvojë, i cili ka aftësitë e gjera të nevojshme për këtë funksion sfidues, i cili është thelbësor për angazhimin e suksesshëm me palët e interesuara. Ruiz Calavera ka një histori të fortë të menaxhimit si dhe një kuptim të thellë të kontekstit institucional të fituar gjatë karrierës së saj të shquar në Komisionin Evropian. Data e efektit të këtij vendimi do të përcaktohet më vonë”, thuhet në njoftimin e Komisionit Europian.
Pas emërimit ka reaguar në twitter edhe Calavera e cila ka falënderuar KE-në për sfidën e re profesionale që e pret përpara.
“Ju faleminderit shumë për mesazhin tuaj të mirë! Jashtëzakonisht krenar që jam emëruar Drejtor i Përgjithshëm të Departamentit të interpretimit nga KE. Unë pres me entuziazëm të madh sfidën e re profesionale përpara”, shkruan Calavera.
