Cardiff City ka paguar tashmë këstin e parë te Nantes për transferimin e argjentinasit Emiliano Sala, i cili vdiq në një aksident ajror rrugës për të nënshkruar me klubin uellsian, me qëllim që FIFA të heqë sanksionin që i pengon ata të nënshkruajnë me emra të rinj në tre dritaret e ardhshme të transferimeve.
Klubi uellsian u sanksionua dhjetorin e kaluar pasi nuk kishte paguar 19 milionë euro që kushtoi nënshkrimi i Sala, i cili vdiq më 21 janar 2019 kur po udhëtonte me një aeroplan të vogël nga Nantes në Cardiff për mbylljen e kontratës të tij me ekipin britanik.
Pas vdekjes së Sala, Cardiff pretendoi se ata nuk do të paguanin koston e transferimit të sulmuesit, sepse kur ai vdiq nuk ishte ende zyrtarisht një lojtar i uellsianëve. Presidenti i Cardiff-it, Mehmet Dalman konfirmoi muajin e kaluar se kishte marrë një faturë për të paguar drejt Nantes vlerën 6 milionë euro, e cila ishte rritur në 7 milionë euro edhe me interesat.
Cardiff apeloi vendimin e FIFA -s në Gjykatën e Arbitrazhit Sportiv ( CAS) dhe organi i drejtësisë do të marrë një vendim në fund të këtij muaji ose në fillim të shkurtit.
