Peshëngritësja Enkileda Carja është shpallur kampione e Shqipërisë në garën kombëtare të peshës trupore 64 kilogramë të mbajtur këtë të shtunë në Durrës. 17-vjeçarja realizoi të tre provat në shkëputje duke arritur rezultatin më të mirë 95 kilogramë, ndërsa në shtytje realizoi 2 nga 3 provat duke ngritur 113 kilogramë.
Në dy garësh Enkileda shkëlqeu me 208 kilogramë të ngritura, ndërsa ky rezultat është rekord evropian për të reja. Gara kombëtare merr më shumë vlera, pasi shërben në kuadër të përgatitjeve për kampionatin Botëror të peshëngritjes që do të mbahet në Peru më 2 maj 2025.
Komento
Komente
