Rey Manaj duket i pafat këtë sezon nga dëmtimet. Sulmuesi i Kombëtares është dëmtuar me ekipin e tij turk, Sivasspor. Ka qenë vetë klubi turk që ka konfirmuar se Manaj nuk do jetë pjesë e ndeshjes kundër Rizespor e cila luhet mesditën e së shtunës (2 nëntor).
Sipas Sivasspor, Manaj ka pësuar një "çarje në muskul" dhe do jenë kontrollet e mëtejshme që do konfirmojnë shkallën e lëndimit dhe kohën e rikuperimit. Fakt është se lushnjari është lënë jashtë skuadrës për mos rrezikuar gjendjen e tij.
Manaj vjen nga një lëndim që e mbajti gjatë jashtë fushe, teksa këtë sezon ka luajtur shtatë ndeshje dhe ka shënuar katër gola. Dëmtimi i Manaj është një sinjal alarmi edhe për Kombëtaren, me Sylvinhon që sheh 27-vjeçarin dhe Brojën me dëmtime.
Komento
Komente
