Carlo Ancelotti i ka dhënë fund spekulimeve për të ardhmen e tij në krye të stolit të Real Madrid, duke thënë se do largohet së bashku me presidentin Florentino Perez, me këtë të fundit që pak ditë më parë u votëbesua për një tjetër mandat deri në vitin 2029.
Në konferencën për shtyp para ndeshjes kundër Salzburg në Champions League, tekniku iu dha përgjigje medieve që një ditë më parë e larguan nga "Galaktikët" në fundin e këtij sezoni.
“Nuk kam vendosur të largohem nga Real Madrid. Shpresoj të qëndroj edhe për katër vitet e ardhshme, ashtu si Florentino Perez. Do të ishte ideale që të dy të largohemi në vitin 2029. Ndjej se këtu më duan të gjithë, si lojtarët edhe stafi”, tha Ancelotti.
E ardhmja e italianit prej kohësh ishte në dyshim, sidomos pas humbjeve ndaj Barcelonës. Ekipi madrilen ka lënë pas formën e dobët dhe është rikthyer në krye të La Ligës, duke sheshuar pozitat.
Komente
