Aksidentet rrugore, përfshi dhe ato me pasoja në jetë të humbura të shkaktuara nga përdorimi i telefonave dhe tabletave në rrugët shqiptare, mbeten një shqetësim i lartë.
Burime nga Policia Rrugore për Report Tv bënë me dije se nga 10 drejtues automjetesh të përfshirë në aksidente dhe të ndëshkuar, 6 prej tyre rezultojnë për përdorim telefoni. Ky bilanc bëhet me i rëndë kur këta shoferë rezultojnë të gjobitur më shumë se dy apo deri në tre herë.
Prej më shumë se një viti Sektori i Parandalimit të Aksidenteve depozitoi në parlament projektligjin për rritjen e masës ndëshkuese për cilindo që teksa i jep makinës përdor telefonin.
Sipas këtij projektligji dhe strategjisë të Policisë Rrugore gjoba ishte parashikuar nga 5 mijë deri në 10 mijë lekë si dhe heqje e pesë pikëve nga patenta, ndërsa sot gjoba është më e ulët sa dhe parkimi i gabuar. Për përdorim telefoni gjobitesh nga 500 deri në 1500 lekë kundrejt 2 mijë lekë për parkimin e gabuar apo 15 mijë lekë për mospërdorimin e rripit të sigurimit.
Kjo kërkesë nuk gjeti pëlqimin e deputetëve të cilët vendosën të rrisin masën ndëshkuese për rripin e sigurimit por jo për përdorimin e telefonave, ku pasojat e aksidenteve pa rrip sigurimi janë minimizuar sipas statistikave të Policisë Rrugore.
Sipas relacionit të Policisë Rrugore kjo masë përafronte legjislacionin me vendet e BE-s, ku fqinji ynë Italia, parashikon që sanksioni për telefonin të arrijë në 1700 euro.
Më tej, thonë ekspertët, rritja e gjobës për përdorimin e telefonit do të sjellë uljen e pasojave tek të dëmtuarit, jo vetëm shoferët që vetë përfshihen në aksident por edhe tek personat e tjerë që goditen nga këto automjete.
Veç masës ndëshkuese me gjobë ky propozim i Sektorit të Parandalimit të Aksidenteve parashikonte edhe heqjen e patentës nga 1 në 3 muaj për shoferët që brenda 12 muajve gjobiten tre herë për përdorim telefoni.
Si është gjoba aktualisht dhe sa kërkonin të bëhej
Komente
Ketu tek ne koha ka vertetu qe ligjin asnje nuk e zbaton me ndergjegje por vetem nga frika,keshtu qe duhet te ngrihet me te madhe qe CELULARI-VRET ne timon sic thuhet per DUHANI-VRET dhe shumica e lokaleve te pakten ne Tirane e zbatuan nga frika e gjobave.
PërgjigjuMe celular shoferet luajne me jeten e qytetareve dhe jeten e tyre makinat levizin shumica me celular ne dore duke drejtuar mjetin masa me celular duhet te jete me skualifikim se makina eshte si arme qe vret njerez
PërgjigjuPo n itali marin 2000e rrog 300milek
PërgjigjuShtet injorantesh..... O plera ai qe nuk ve rrypin e sigurimit ha koken e vet dhe le ta haje por ai ajo qe rri me telefon ne timon ha koken e njerwzve te pa fajshem, o derra parlamentare qe po na vrisni duke nxjere ligje idjote. Shikoni ne Greqi e Itali se cte bejne, ku pyesin kurvat qe ua kane blere makinat kurvaret, ku pyesin drogmenet per gjobat qe vini ju. VENDOSNI MASA EKSTREME O PLERA, BEHUNI EUROPIANE QE DHE EUROPA TU BEJ EUROPJANE O SHPELLARE....
Përgjigju