CËRRIK- Një 76-vjeçar ka humbur jetën në një aksident rrugor. Ai është përplasur teksa ecte në aksin rrugor "Cërrik-Papër", nga një mjet tip Audi.
Aksidenti ka ndodhur mbrëmjen e djeshme, 8 maj, ndërsa mjeti drejtohej nga një 28-vjeçar, i cili është vënë në pranga.
“Specialistët e Sektorit të Qarkullimit Rrugor të DVP Elbasan arrestuan në flagrancë shtetasin A. B., 28 vjeç, banues në Tiranë, pasi mbrëmjen e djeshme, në aksin rrugor "Cërrik-Papër", me automjetin tip "Audi" që drejtonte, ka përplasur këmbësorin, shtetasin A. L., 76 vjeç, i cili si pasojë ka humbur jetën”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Komento
