Receta

Çervish-Pulë me qull nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

8 Prill, 10:47| Përditesimi: 8 Prill, 10:50

  • Share

Çervish - Pulë me qull

Përbërësit:

  • 4-5 racione mish pule
  • 1 litër lëng pule
  • 2 lugë supe miell
  • 2-3 lugë supe gjalpë
  • 3 thelpinj hudhër
  • 1 lugë kafeje kripë
  • Pak piper i zi
  • Lëngu i 1 limoni

Përgatitja:

Ziejmë mishin e pulës në zjarr të ngadaltë me pak gjalpë dhe pak kripë. Më pas në një tigan kaurdisim miellin me një lugë gjalpë, derisa mielli të marrë ngjyrë të bukur të pjekur. E largojmë nga zjarri dhe e lëmë që të ftohet. Nga tenxherja largojmë racionet e mishit të pulës dhe lëmë rreth një litër lëng mishi. Shtypim hudhrat, grijmë piperin dhe e vendosim tenxheren në zjarr. Tek mielli shtojmë pak lëng mishi, e përziejmë mirë dhe e hedhim të gjithë masën në tenxhere. E lëmë të marrë valë, duke e trazuar vazhdimisht derisa të ajkoset. Hedhim lëngun e limonit dhe thelat e mishit, e provojmë për kripën dhe e largojmë nga zjarri. Sipër i shtojmë pak gjalpë të skuqur dhe e servirim të ngrohtë.

MC/ReportTv.al
Komento

Komente

  • Sondazhi i ditës:

    Pse sipas jush vonohet kaq shumë procesi i numërimit: