TIRANË- Shtyhet në Gjykatën e Apelit të Tiranës procesi gjyqësor për dosjen “CEZ”, i ankimuar nga Kuvendi, pas pushimit të çështjes në Shkallën e Parë në Dhomën Penale.
Shkak për shtyrje është bërë mungesa e gjyqtares Fatmira Hajdari, mosformim i trupit gjykues. Ditën e martë, Kuvendi, me përfaqësues kreun e grupit parlamentar të PS, Taulant Balla, ka kërkuar përjashtimin e Fatmira Hajdarit nga trupi gjykues pasi shihet si gjyqtare me konflikt interesi në çështje. Seanca e radhës u caktua në datën 24 qershor.
Hetimet për procedurën e privatizimit të Operatorit të Sistemit të Shpërndarjes nga kompania çeke 'CEZ' në vitin 2007, e cila u konsiderua korruptive, nisën në vitin 2016, duke dërguar përpara organit të akuzës një numër të lartë zyrtarësh të cilë u morën në pyetje, përfshirë edhe Shkëlzen Berishën, djalin e ish-kryeministrit Berisha. Kjo solli edhe ngritjen e një Komisioni Hetimor Parlamentar i drejtuar nga Taulant Balla, i cili në finale të tij arriti në konkluzionin se nga procedura e privatizimit të shtetit i ishte shkaktuar një dëm prej 414 milionë eurosh.
Megjithatë, gjyqtari Lazër Sallaku i njëjti që mbylli çështjen e lobimit rus për PD si dhe lirimin për 6 të dyshuarit e dosjes “Toyota Yaris”, pas një hetimi 3-vjeçar vendosi pushimin për dosjen 'CEZ' në Gjykatën e Tiranës, ku është i përfshirë edhe Shkëlzen Berisha, djali i ish-kryeministrit Sali Berisha. Një vendim i tillë u konsideruar nga kreu i grupit Parlamentar të PS-së, Taulant Balla korruptiv nga një gjyqtar 'KÇK', e për pasojë e dërgoi çështjen në Apel.
Komente
Po normle shty shty sa te skadoj afati pstaj ceshtja pushohet
Përgjigju