Kryenegociatori i Kosovës për dialog, Besnik Bislimi do të takohet të hënën me kryenegociatorin serb, Petar Petkoviç në Bruksel, ku do të diskutohen ide konkrete se si mund të duket një zgjidhje afatshkurtër lidhur me çështjen e dinarit.
Bislimi dhe Petkoviç ishin dakordësuar që të ofrojnë propozime teknike deri me datë 22 mars, të tilla që pastaj do trajtohen në takim e sotëm.
Qeveria theksoi se Republika e Kosovës e ka bërë të qartë që do ofrojë zgjidhje teknike sipas planit që ajo u ka ofruar edhe shteteve të QUINT-it javë më parë.
Nga Qeveria e Kosovës nuk kanë bërë të ditur nëse kanë dërguar propozimet për dinarin, afati për të cilat ka qenë deri më 22 mars, shkruan Kosova Press.
Mirëpo, kryeministri Albin Kurti, ka thënë të premten se Rregullorja e BQK-së është e panegociueshme dhe se nuk do të pranojnë propozime që bien ndesh me të.
