Mjekët e Spitalit të Berlinit kanë deklaruar se testet e fundit kanë treguar gjurmë helmi në gjakun e kryeopozitarit të Kremlinit, Alexei Navalny.
Ata gjithashtu sqaruan se ai "është në gjendje kome mjekësore” dhe se për momentin “nuk ka ndonjë rrezik akut për jetën e tij" si dhe ata nuk përjashtojnë "efekte afatgjata" për shëndetin e tij. Sipas tyre është i mundur dëmtimi i sistemit nervor të Navalny.
Më herët, zëdhënësi i qeverisë gjermane Steffen Seibert, duke iu referuar çështjes së tha se “Me shumë mundësi Alexei Navalny është helmuar”
Navalny, i cili u transportua të shtunën në Berlin nga spitali i Omsk, në Siberi ku gjendej i shtruar, u ndje keq pasi kishte pirë një gotë çaji gjatë udhëtimit të me avion drejt Moskës.
Gjithashtu, sipas bashkëpunëtorëve të tij, kritiku i njohur i presidentit rus Vladimir Putin, ishte helmuar, pavarësisht se mjekët siberianë pretenduan se ata nuk kishin gjetur asnjë gjurmë helmi në organizmin e tij
Sipas gazetës italiane, La Repubblica", zëdhënësi i qeverisë gjermane duke justifikuar mbrojtjen që policia ka ofruar në spitalin Charitè në Berlin, ku Navalnyj tani ndodhet i shtruar për kurim, tha se "Pacienti ka shumë të ngjarë të jetë viktimë e helmimit”
Gjithsesi Seibert tha se "janë vetëm mjekët dhe familja e Navalny-t ata që mund të japin lajme për kushtet e tij shëndetësore dhe atë që mund të ketë ndodhur. Nga pala gjermane do të ketë tranparencë të plotë për çështjen”.
Komente
Nuk ka asnje interes putini te helmoje navalnin.kjo ,per mua ,eshte vetehelmim ,simulim helmimi per te shkaktuar nje vater tensioni si ne biellorusi.film europian me helmim opozitaresh.nuk eshte i pari person.
Përgjigju