Blerjet dhe shpenzimet për dhuratat e fundvitit cilësohen si ndër përvojat më stresuese të konsumatorëve. Por nuk ka pse të jetë kështu kur mund t'a bisedoni këtë stres pikërisht me ata njerëz që do t'i dhuroni diçka. Sipas Lizzie Post, drejtuese e institutit Emily Post, ekzistojnë 10 situata të zakonshme në lidhje më dhuratat për të cilat ka disa mënyra dhe truke për t’i përballuar pa stres dhe brenda buxhetit tonë.
Kujt duhet t’i bëni dhurata dhe sa duhet të shpenzoni
Së pari, mendoni se kush janë njerëzit më të rëndësishëm në listën tuaj këtë vit. Për disa bashkëshorti ose partneri janë në top list ndërsa për të tjerë rrethi është më i gjerë duke përfshirë familjarë dhe miq, rëndësi ka që ju t’i përmbaheni buxhetit tuaj pasi dhënia dhuratave nuk ka ta bëjë më vlerën e tyre monetare por më mendimin dhe mesazhin që përcjellin.
A duhet t’i bëni shefit tuaj në punë dhuratë?
Zakonisht është më e shpeshtë që shefat dhe drejtorët t’u bëjnë dhuratë punonjësve të tyre individualisht ose në grup por jo e anasjellta. Por s’do të ishte aspak keq që nëse vërtet ju pëlqen shefi që keni në zyrë ti bëni edhe atij një dhuratë në grup ose thjesht të dilni së bashku me grupin tuaj të punës për një drekë si shenjë vlerësimi ndaj tij.
A lejohet të ktheni dhuratat që nuk ju pëlqejnë?
Disa persona mund të mos pëlqejnë faktin që ju doni t'i ndërroni dhuratat për të cilat ata kanë harxhuar kohë dhe para për të zgjedhur posaçërisht për ju. Por ka dhe nga ata që nuk e kanë aspak problem nëse ju merrni diçka që vërtet ju pëlqen në vend të dhuratës së tyre. Zgjidhja më e mirë do të ishte që ju ta mbanit atë dhuratë sado nuk iu përshtatet apo s’është ajo çka prisnit, dhurata mbetet dhuratë dhe asgjë s’do të ndodh në jetën tuaj nëse e mbani edhe nëse nuk e përdorni apo vishni atë .
A do të ishte më mirë të pyesnit para se të blinit diçka për të cilën keni dyshime nëse marrësi do ta pëlqejë?
Një pyetje direkte nuk është shumë simpatike por nëse përpiqeni që nëpërmjet disa pyetjesh të vogla dhe indirekte të kuptoni çfarë i pëlqen vërtet do të ishte një sukses i garantuar.
Si t'i thoni njerëzve që nuk doni të shkëmbeni dhurata të shtrenjta këtë vit, pasi nuk mund ti përballoni?
Ka dy mënyra të thjeshta, e para është të thoni hapur që nuk keni mundësi financiare për të përballuar dhurata të shtrenjta dhe kjo nuk është aspak e pa hijshme ose mund të mos thoni asgjë, por të bëni dhurata pak më të thjeshta, si kartolina ose objekte të ndërtuara vetë që kanë nënkuptime shpirtërore dhe që përcjellin aromë festash dhe dashuri njësoj ose edhe më shumë se një dhurata materiale me kosto të lartë.
A duhet t’i përmbaheni limiteve të shpenzimeve të vendosura nga grupi juaj?
Nuk është aspak e hijshme të shpenzoni më shumë se sa limiti i vendosur nga i tërë grupi në lidhje me sasinë e parave që do të shpenzohen për dhuratat e festave për këtë vit. Edhe nëse nuk i rezistoni dot dëshirës për të marrë diçka që e kalon atë limit mirë është ta bëni pasi është shumë e rëndësishme kur ndodheni në një grup.
A ka ndonjë rregull special për kartë-dhuratat?
Kushtojini vëmendje familjes dhe miqve tuaj kur flasin për këto tema. Nëse e dini që motra ose gjyshja juaj në të vërtetë nuk i pëlqejnë kartat e dhuratave, mos i merrni atij personi një të tillë. Sidoqoftë, është gjithmonë mirë që të kuptoni para së të vendosni për këtë lloj forme dhurate me elementin kryesor mbi çfarë i pëlqen dhe nëse vërtet është tipi i kësaj forme dhurate.
Çfarë bëni nëse merrni një dhuratë të papritur nga dikush të cilit nuk i keni bërë dhuratë në këmbim?
Nëse merrni një dhuratë dhe nuk keni për qëllim t’i jepni këtij personi një dhuratë këtë sezon pushimesh, është ok. Shumica e njerëzve shqetësohen me të vërtetë në këtë moment dhe gjejnë një lloj justifikimi për arsyen pse nuk kanë një dhuratë si kthim. Por jini të sigurt se personi që ju dha këtë dhuratë nuk po jua jep atë, sepse ata presin diçka në kthim. Përkundrazi, përqendrohuni te bujaria e dhuratës që ju është dhënë. Përgjigja e duhur do të ishte: “Oh, Zot, shumë faleminderit. Kjo është kaq e mrekullueshme”. Ju nuk duhet të thoni asgjë më shumë se kaq.
A është ndonjëherë e përshtatshme të jepni para në dorë?
Është normale të dhurosh para për ditëlindje ose dasma, por kur vjen fjala për sezonin e festave është pak e çuditshme dhe jo shumë e pranueshme të dhurosh para cash. Megjithatë brenda familjes sigurisht nuk ka asgjë të tmerrshme nëse ju duket se është marrëdhënia e duhur për të dhënë një dhuratë të tillë.
Burimi: CNBC/ Gazeta "Si"
