Nga festimet e fishekzjarrëve, janë lënduar 19 persona në të gjithë vendin. 12 prej tyre janë në Tiranë, 1 në Pogradec, 4 në Vlorë dhe 2 fëmijë janë paraqitur në spitalin e Fierit.
Nuk ka pasur konflikte dhe as aksidente rrugore përgjatë orëve të para të vitit 2023.
Ndërkohë shërbimet e policisë kanë qenë prezent në sheshe e lokale ku u festua, në rruge e akse nacionale me makinat inteligjente.
Policia është në gatishmëri deri ditën që fillon puna zyrtarisht pra deri më datë 4.
Katër raste të regjistruara me dëmtime nga fishekzjarret janë regjistruar në spitalin e Vlorës. Ndërsa janë regjistruar rreth 20 raste me konsum të tepërt të alkoolit. Mjekia Fabiola Spahiu tregon se situata ka qenë jo problematike.
“Situata paraqitet e qetë. Nuk kemi pasur raste të rënda. Ka pasur 2-3 dëmtime me fishekzjarre, por jo në gjendje të rëndë. Kemi pasur pacientë që kanë konsumuar shumë alkool. 2 orët e fundit ka pasur 20 raste. Parashikohen që orët në vijim të jenë më me fluks. Situata paraqitet e qetë dhe goxha e menaxhueshme në krahasim me vitet e tjera”, tha mjekja.
Komente
Sa shumë e dua këtë vajzë Fabiola Spahiun. ????????
Përgjigju