Partizani dhe BATE Borisov do luajnë në turin e parë kualifikues të Champions League. Kampionët e Shqipërisë do përballen kundër skuadrës nga Bjellorusia, me ndeshjen e parë që zhvillohet në 11 korrik në "Air Albania". Klubi bjellorus ka zbardhur edhe agjendën për ndeshjen e kthimit, atë që do zhvillohet në 18 korrik në orën 20:00.
Përballja do zhvillohet në fushë neutrale, pikërisht në stadiumin e Mezokovesd në Hungari. Për shkak të sanksioneve nga UEFA për klubet bjelloruse (ky shtet mbështet Rusinë në agresionin kundër Ukrainës), dueli do zhvillohet në fushë neutrale dhe pa tifozë.
Veç udhëtimit jo të gjatë, Partizani ka edhe një tjetër bonus në këtë përballje, mungesa e tifozëve të BATE-s dhe përballja në fushë neutrale.
Komento
