NYON, Zvicër - Champions League mësoi mesditën e së premtes tetë çiftet që do përballen në fazën play-off të këtij kompeticioni, pas shortit që u hodh në Nyon. Padyshim spikat përballja e katërt radhazi në fazën me eliminim direkt mes Manchester City dhe Real Madrid. Si të mos mjaftonte momenti jo i mirë i djemve të Pep Guardiolës, 'Qytetarët' gjejnë përballë kampionët në fuqi.
Në çiftet e tjera skuadrat italiane shmangën një përplasje mes tyre, teksa Milan dhe Juventus kanë përballje holandeze. Juventus gjen PSV Eindhoven, ndërsa Milan luan me Feyenoord.
Atalanta përballet me Club Brugge, Sporting Lisbone kundër Dortmund, Celtic - Bayern Munich, derbi francez Brest - PSG dhe Monaco - Benfica.
Në këtë raund ndeshjet do jenë me sistemin vajtje-ardhje, ndërsa sfidat e para do luhen më 11 dhe 12 shkurt dhe ato të kthimit më 18-19 shkurt.
Çiftet e play-off pas shortit:
Club Brugge - Atalanta
Sporting Lisbone - Dortmund
Manchester City - Real Madrid
Celtic - Bayern Munich
Juventus - PSV
Feyenoord - Milan
Brest - PSG
Monaco - Benfica
Shorti dhe pozicionimi i skuadrave
Procedura
Ndarja e vazove
Në short morën pjesë skuadrat e renditura nga pozicioni 9 në atë 24 pas tetë ndeshjeve në grup. Skuadrat nga pozita 9 deri në atë 16 janë në zonën e parë, ndërsa ato nga 17 deri në 24 në të dytën.
Shorti i sotëm deçiziv
Veç përballjeve të këtij raundi, goglat sot ishin me rëndësi edhe për fazën e 1/8, pasi u bë ndarja e skuadrave në dy krahët e eventit, për rrugën drejt finales. Në këtë short mund të ndeshen të gjitha ekipet pa ndarje në një shtet ose jo.
Skuadrat sipas renditjes
Vazo 1: 9.Atalanta (ITA) 10. Borussia Dortmund (GER) 11. Real Madrid (ESP) 12. Bayern München (GER) 13. Milan (ITA) 14. PSV (NED) 15. Paris Saint-Germain (FRA) 16. Benfica (POR)
Vazo 2: 17. Monaco (FRA) 18. Brest (FRA) 19. Feyenoord (NED) 20. Juventus (ITA) 21. Celtic (SCO) 22. Manchester City (ENG) 23. Sporting CP (POR) 24. Club Brugge (BEL)
Ndeshjet play-off, oraret
Ndeshjet e para : 11/12 shkurt 2025
Ndeshjet e dyta : 18/19 shkurt 2025
Çdo klub, në parim, do të luajë një herë të martën dhe një herë të mërkurën. UEFA do të konfirmojë kalendarin, duke përfshirë datat e ndeshjeve dhe oraret e fillimit, në mbrëmjen e shortit.
Datat:
Shorti i play-off-it të fazës eliminatore: 31 janar
Shfaqjet e fazës eliminatore: 11/12 & 18/19 shkurt
Raundi i 16-të, çerekfinalja, shortet gjysmëfinale: 21 shkurt
Raundi i 16: 4/5 & 11/12 mars
Çerekfinalet: 8/9 & 15/16 prill
Gjysmëfinalet: 29/30 prill dhe 6/7 majit :
Finale: 31 maj (Mynih)
Komente
Juventusi del kanpjon Evrope po tē vej trajner kasapin Rexhep Bule Leka [ kepin ) trajner. Se ai flet 10 gjuh tē huaja.
Përgjigju