Benfika, skuadra me arritjetet më të mëdha ndërkombëtare të Portugalisë, ka marrë një fitore të pastër 0-2 në ndeshjen e parë ‘play-off’ të Champions League kundër Dinamo Kiev, duke hedhur një hap të sigurtë drejt kualifikimit në grupe.
Kundër ukrainasve ndeshja u zhvillua në Poloni për shkak të luftës, ndërsa vlen për t’u theksuar se portugezët ishin në shumë raste superiorë. Golat u realizuan të dy që në pjesën e parë me Gilberton falë një të djathte potente dhe më pas Ramos që vulosi shifrat.
Në Azerbajxhan nuk pati fitues mes Qarabakut dhe çekëve të Plzen, pasi 90 minutat u mbyllën me rezultatin 0-0. Sakaq sfida tjetër e së mërkurës mes izrealitëve të Maccabi Haifa-s dhe Zcvena Zvezdës prodhoi 5 gola dhe u mbyll me shifrat 3-2.
Fillimisht realizuan vendasit, ndërsa serbët deri në përfundimin e pjesës së parë përmbysën rezultatin përkohësisht. Në pjesën e dytë Maccabi gjeti dy herë rrugën e rrjetës, duke vulosur edhe shifrat përfundimtare. Gjithsesi kualifikimi do vuloset javën e ardhshme kur të luhen ndeshjen e kthimit dhe të përcaktohen përfundimisht 36 skuadrat pjesmarrëse.
Ne.k.//ReportTv.al