Chelsea ka bërë goditjen e parë në merkato që prej kohës kur në pankinë është ulur Frank Lampard. Klubi londinez në faqen zyrtare ka njoftuar se ka arritur marrëveshjen me Ajax për transferimin e futbollistit marokjen Hakim Ziyech. Mëngjarashi 26-vjeçar ka hedhur formën në kontratë me Chelsea-n, por në Londër do të transferohet vetëm në verë.
Ziyech ishte dëshira e madhe e Lampard që në merkaton e verës, por Ajax nuk hoqi dorë nga futbollisti duke parë kompeticionet që merrte pjesë dhe rëndësinë që ai ka në skuadër. Sulmuesi shquhet për inkursionet në krahun e djathtë dhe lehtësinë për të deportuar më pas në qendër. Transferimi i Ziyech Chelsea-s i ka kushtuar 40 mln euro plus 4 mln të tjera në formë bonusesh. Për marokenin kishte interes nga skuadra të tjera si Barcelona, Arsenal dhe Liverpool.
Kujtojmë se vetëm në dimër u zhbllokua merkato e Chelsea-s pasi më herët ishte dënuar për shkak të kontratave të parregullta me minorenë.
