LONDËR - Chelsea ka marrë përkohësisht kreun e Premier League. Skuadra e Enzo Marescas fitoi 2-0 kundër Fulham pa shumë mundime, me sfidën e "Stamford Bridge" që vlente për raundin e tretë në kampionatin anglez të futbollit.
Ishin 'miqtë' që zhbllokuan shifrat me King në minutën e 21, por pas ndërhyrjes së VAR gjithçka u anulua për faull. Në fundin e pjesës së parë u akorduan tetë minuta shtesë dhe në limite Chelsea ia doli të shënonte golin e epërsisë me Joao Pedro. Protesta nga miqtë për faktin se shtesa kishte përfunduar, ndërsa trajneri Marco Silva u pa "i xhindosur".
Rikthimi pas pushimit foli sërish për Chelsea, aty ku 'Blutë' shënuan edhe golin e dytë me autor Fernandez nga pika e bardhë e penalltisë. Chelsea, kampioni i botës për klube në fuqi, siguroi kështu tri pikët e radhës që për momentin e dërgojnë në krye të renditjes (shtatë pikë).
Komente
