Chelsea është shumë afër blerjes së parë në merkaton e verës. Pak ditë më parë ESPN raportoi se blutë e Londrës kanë gjetur akordin me sulmuesin e Leipzig në Gjermani Timo Werner, për të cilin kanë rënë dakord të pagujnë klauzolën 62 mln euro.
Së fundmi drejtori i klubit të Leipzig Oliver Mintzlaff e ka mohuar të ketë një marrëveshje, por është shprehur qartë se sulmuesi i kombëtares gjermane ka shprehur dëshirën të largohet. Në këtë pikë kuptohet qartë se Chelsea nuk ka negociuar me Leipzig, por ka zgjedhur të paguajë menjëherë klauzolën.
Për 23-vjeçarin ishte raportuar shpesh se do të kalonte te Liverpool, por Chelsea që ndryshe nga vera e kaluar kur e kishte të ndaluar, ka triumfuar këtë herë në merkato. Këtë sezon në 30 ndeshje kampionat Werner ka realizuar 25 gola me Leipzig, ndërsa ka dhuaruar edhe 8 asiste. Sipas mediave angleze ai do të nënshkruajë një kontratë 5-vjeçare me Chelsea-n ku do të përfitojë në total 52 mln paund.
