Golashënuesi aktual i “Europa League”, Oliver Giroud, ka ronovuar zyrtarisht me Chelsea-n edhe për 1 sezon tjetër. Lajmin e ka konfirmuar vetë klubi londinez që të enjten e ardhshme do të luajë finalen e “Europa League” kundër Arsenal.
Më herët Giroud ka qenë pjesë e Arsenal, ndërsa tani do taa ketë përballë në finale. Francezi me Chelsea-n ka nënshkruar për herë të parë në janar të 2018, ndërsa tani do të jetë pjesë e këtij klubi edhe në sezonin 2019-2020.
Sulmuesi që deri më tani ka shënuar 10 gola në “Europa League”, pas nënshkrimit të kontratës për faqen zyrtare të klubit është shprehur: “Jam shumë i lumtur të nënshkruaj kontratën e re. Doja vërtet të qëndroja dhe së fundmi do jem edhe për 1 vit tjetër. Jam ndjerë pjesë e skuadrës, te kësaj familje që nga fillimi. Shpresoj t’i sjellë të tjerë trofe Chelsea-s.”
Komente
