Në Angli po shtohen zërat se italiani Enzo Maresca do të bëhet trajneri i ri i Chelseat.
Zgjedhja e trajnerit të ri të Chelseat po i vjen fundi dhe aktualisht, duke gjykuar nga raportimi i mediave angleze, gjithçka tregon se posti prestigjioz do t'i jepet italianit Enzo Maresca, i cili e ktheu Leicester Cityn në Premier League sezonin që sapo u mbyll.
Drejtuesit e Chelsea përpiluan një listë kandidatësh, e cila përfshinte gjithashtu bashkatdhetarin e Maresca-s, Roberto de Zerbi, Dane Thomas Frank nga Brentford dhe trajnerin e Ipsuich, Kieran McKenna dhe në fund, 44-vjeçarin Maresca, pasuria e fortë e të cilit ishte 'praktika', teksa ka qenë asistent me trajnerin më të respektuar në Angli dhe më gjerë, Pep Guardiolën te City.
Maresca dikur ka qenë asistent i Pep Guardiolës te City dhe ka drejtuar edhe ekipin e të rinjve në këtë klub për një vit. BBC raporton se Maresca pritet të bindë më së shumti drejtuesit e Chelseat në takim dhe çështja e dëmshpërblimit mbetet e hapur, pasi Chelsea do t'i duhet t'i paguajë Leicesterit nga 8 deri në 10 milionë euro.
Nëse Maresca do të merret nga Chelsea, ish-mesfushori i Juventus, Sevilla, Fiorentina, Olympiacos dhe shumë klube të tjera do të jetë ish-asistenti i dytë i Guardiolës që sfidon spanjollin në Premier League.
Ishte suksesi i Mikel Artetës në stolin e Arsenalit që ishte një 'aset' shtesë për Maresca për të gjetur një punë në një nga klubet më të mëdha të ligës angleze.
S.DH/ReportTv.al