Frank Lampard dhe Chelsea kanë gjetur akordin dhe legjenda e Bluve do jetë trajneri i ri i klubit nga "Stemford Bridge" të paktën për dy muajt e ardhshëm. Klubi i Premier League bën me dije se sot tekniku do drejtojë stërvitjen e ekipit, me palët që kanë rënë dakord për kontratën.
Lampard zë kështu vendin e të shkarkuarit Potter, teksa edhe vetë pësoi të njëjtin fat pak javë më parë nga Evertoni. Ky është një rikthim për Lampard te Blutë, pasi më herët i drejtoi në 84 ndeshje nga të cilat arriti 44 fitore por u shkarkua pas pesë humbjeve në kampionat.
Në aventurën e parë, Lampard e dërgoi skuadrën në finalen e FA Cup. Me 14 pikë larg katër skuadrave më të mirë, Chelsea e gjen veten në vendin e 11-të në Premier League.
Debutimi i tij pritet të shtunën kundër Wolves në transfertë, para se të mërkurën e 12 prillit të përballet me Real Madridin në çerekfinalet e Champions League. Lampard do jetë pjesë e stolit të Bluve për dy muaj, me klubin që po mendon për një trajner afatgjatë pas verës dhe emrat më të lakuar janë Luis Enrique dhe Antonio Conte.
Zyrtarizimi nga Chelsea
