Adam Thomas dhe Claudia Patatas nga Birmingham i Anglisë, janë dënuar së bashku me rreth 10 vite burg nga Gjykata e Birmingham.
Çifti britanik, anëtarë të Partisë së ndaluar Neonaziste në Angli janë dënuar nga Gjykata e Birmingham pasi u zbuluan se ishin pjesë e grupit ‘National Action’, e cila ndalua më 16 dhjetor të 2016.
Respektivisht, gjykata dha 6 vite e gjysëm për 22 vjeçarin Adam Thomas dhe 5 vite për 38 vjeçaren Claudia Patatas.
Gjatë gjyqit trupi gjykues zbuloi se çifti i kishin vendosur fëmijës së tyre emrin Adolf. Madje janë zbuluar edhe fotot e çiftit me fëmijën ‘të mbuluar’ me flamurin nazist.
Claudia Patatas, me origjinë nga Portugalia, ka thënë gjatë gjyqit ‘’Të gjithë Judenjtë duhet të vriten’’ si dhe ‘’ Sillni kampet e përqëndrimit’’.
Gjykatësi tha se grupi kishte "qëllime të tmerrshme" dhe se një nga objektivat e saj ishte "përmbysja e demokracisë në këtë vend me anë të dhunës dhe vrasjeve të rënda dhe imponimit të një shteti nazist që do të zhdukte të gjitha pjesët e shoqërisë nga një dhunë e tillë dhe vrasje masive".
Komente
