Manchester City ka fituar me rezultatin komod 3-1 kundrejt Leicester në ndeshjen e luajtur në shtëpi. ‘Qytetarët kanë shënuar kështu fitoren e gjashtë rradhazi duke u përpjekur të afrohen sa më shumë me Arsenalin e vendit të parë.
Vendasit dominuan të gjithë ndeshjen, duke arritur që përveç rasteve të shumta, menaxhimit të topit, arritën t’i shënojnë edhe tri gola.
Goli i parë erdhi pas vetëm pesë minutave me anë të John Stones, i cili shënoi për 1-0 pas asistimit të Rodrit.
Erling Haaland nuk mungoi as këtë herë në listën e golashënuesve duke shënuar fillimisht në minutën e 13-të nga penalltia për 2-0, ndërsa në minutën e 25-të shënoi golin e dytë personal duke marrë epërsinë 3-0.
Goli i vetëm në këtë pjesë erdhi në minutën e 75-të me anë të Kelechi Iheanacho, i cili shënoi për 3-1 dhe ky doli të ishte rezultati përfundimtar.
Komente
