Bota

Clinton i bën thirrje Mike Pompeo të ndalojë ‘spastrimin’ e Departamentit të Shtetit

12 Prill 2018, 03:31| Përditesimi: 12 Prill 2018, 03:33

  • Share

Ish-Sekretarja e Shtetit, Hillary Clinton, i ka bërë thirrje Mike Pompeo, zgjedhjes së Presidentit Trump për të drejtuar Departamentin e Shtetit, për të mbajtur zyrtarë të lartë të karrierës,  për të trajtuar krizat globale nëse do të konfirmohet.

Clinton, e cila shërbeu si Sekretare e Shtetit nga 2009-2013-ën gjatë presidencës Obama, paralajmëroi Pompeon kundër një "spastrimi" të zyrtarëve të administratës me përvojë.

"Unë i thashë atij se duhet të mbante një sy për ruajtjen e diplomatëve të karrierës, të cilët mund ta këshillonin atë, sepse nuk e dimë se çfarë mund të ndodhte”.

Clinton tha se ishte "thellësisht e shqetësuar" për eksodin masiv të "disa zyrtarëve më të kualifikuar të shërbimit të jashtëm" gjatë 18 muajve të fundit, nën Sekretarin e Shtetit, Rex Tillerson, i larguar

Trump emëroi Pompeo, drejtori aktual i CIA-s, për të udhëhequr Departamentin e Shtetit pas një riorganizimi të këshilltarëve të lartë dhe zyrtarëve të kabinetit, duke filluar muajin e kaluar.

Pompeo duhet të konfirmohet në postin e tij të ri nga Senati. Ai do të drejtojë Departamentin e Shtetit të tronditur dhe do të shtyjë  propozimin e Tillerson për ristrukturimin e departamenteve dhe për shkurtime të mëdha buxhetore.

Tillerson, e udhëhoqi Departamentin e Shtetit për pak më shumë se një vit.

Clinton tha të mërkurën se ishte "e lumtur" të fliste me Pompeon. Senati do të fillojë të enjten dëgjimet e konfirmimit për Pompeon.

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?