Belgët e Club Brugges kanë treguar edhe një herë se janë të fortë në negociata, duke mos pranuar ofertën aktuale të Milanit për mesfushorin shqiptar, Ardon Jashari (21 vjeç). Edhe pse lojtari ka shprehur qartë dëshirën për të veshur fanellën kuqezi, drejtuesit e klubit belg nuk kanë pranuar transferimin pa një ofertë më të mirë (ajo aktuale 35 mln euro).
Drejtori i Brugges, Bob Madou, në një deklaratë për mediat italiane, theksoi: “Kemi biseduar me Milanin vetëm nga respekti, pa u ndalur në çmim. Të gjithë e dinë vlerën e Jasharit, por për ne nuk është momenti për ta shitur. Nuk po themi që nuk do të bëjmë përjashtime, por për tani nuk ka oferta që na detyrojnë të pranojmë. Ne presim që ai të qëndrojë.”
Në praktikë, kjo do të thotë se nëse Milan dëshiron vërtet Jasharin, duhet të rrisë ofertën. Brugge ka njoftuar se synon ta mbajë mesfushorin edhe për një sezon tjetër, por është i hapur ndaj shitjes nëse vjen një ofertë e rëndësishme.
“Kur vjen momenti që një lojtar është në fund të ciklit të tij dhe një klub i madh ofron shumë, transferimi mund të realizohet. Shembulli më i mirë është ai i Maxim De Cuyper. Nëse Jashari qëndron edhe një vit, përveç Milanit do të ketë edhe klube të tjera të mëdha që do të kërkojnë shërbimet e tij,” tha Madou.
Nga ana tjetër, Milan, duke mbështetur dëshirën e lojtarit dhe marrëveshjen pesë vjeçare që kanë arritur me të, ka njoftuar se oferta e dytë është e fundit dhe nuk do ta ndryshojë më.
Në këtë pikë, negociatat janë në një fazë të vështirë dhe mbetet për t’u parë në ditët në vijim nëse klubet do të arrijnë një marrëveshje.
Ofertë më e lartë kërkohet edhe për Doué
Milan po kërkon edhe një mbrojtës të djathtë dhe drejtori sportiv Igli Tare po përgatit një ofertë të re për Guela Doué, pas refuzimit të ofertës prej 15 milionë eurosh. Lojtari është i interesuar të kalojë te kuqezinjtë dhe e ka konfirmuar dëshirën e tij edhe për trajnerin e Strasburgut, Liam Rosenior.
Komente
Po kujt i hyn në punë ky A Jashari, vetëm në se i mer në ekip Breshja dhe bëhen bashkë me K Asllonin dhe Rei Manaj, këta e tregojnë veten si lojtarë te mirë po ti grumbulloi Traktori i Lushnjës dhe të kenë për Trajner Gazetarin Arlind Sadikun.
Përgjigju