"Janë faktor politikë, 26 parti, çdo parti aty ta garantoj është realitet, ka peshë politike. 24-28% i përkasin partive politike të vogla. Pra PD më 11 maj futet me te paktën 25% të votave më shumë"
Me këtë “argument brilant”, të bërë në një emision televiziv 2 ditë më parë, Belind Këlliçi fantazon se PD e Berishës, duke i shtuar vetes 25 parti, shumicës dërrmuese e të cilave as emrin nuk ia ka dëgjuar kush, hyn në zgjedhje me 25% avantazh, një matematikë që vetëm Këlliçi di si mund ta shpjegojë.
Përveç Partisë së Lirisë e cila në zgjedhjet e vitit 2021 mori 6.8% të votave asnjërës prej vargut me 24 parti të tjera nuk i dihet pesha elektorale. 13 prej tyre ishin në koalicion me PD-në para 4 viteve dhe askush s’e di se sa vota politike ka secili.
Në një kohë kur një pjesë e rëndësishme e komunikimit politik është thuajse transferuar online, një njësi matëse për popullaritetin e një politikani është edhe pëlqyeshmëria në platformat e rrjeteve sociale. Për këtë arsye, duke u munduar t’i gjejmë një shpjegim deklaratës së Belind Këlliçit, mund të bëjmë një vlerësim të ndjekshmërisë në Facebook të aleatëve të Sali Berishës.
Një pjesë e mirë e tyre nuk kanë absolutisht fare komunikim me ata që i quajnë elektorati i tyre,, si kryetari i Partisë Personat me Aftësi të Kufizuar Gjovalin Shqalshi i cili nuk ekziston në Facebook me faqe politike por vetëm me adresë shokësh. , ndërsa shumë prej tyre numrat i kanë qesharakë. Për shembull kryetari i Partisë Ora e Shqipërisë, Zef Shtjefni, ka vetëm 199 ndjekës, ndërsa e ndjekin jo me shumë distancë 2 të famshmit e parlamentit të ‘korporatës’, Selami Jenishehri i pensionistëve me 379 ndjekës dhe “kaçurreli” Kostaq Papa i Partisë Emigracioni Shqiptar me 400 ndjekës. Pas tyre vijnë edhe 6 parti të tjera, me kryetarët e të cilëve nuk i kalojnë 1000 mbështetës në Facebook, Mhill Gecaj (LDK) - 650 ndjekës, Ylber Valteri (PBDSH) – 651 ndjekës, Muharem Doda (PRV) - 788 ndjekës, Dhimitër Muslia (PKD) - 898 ndjekës, Rivelino Çuno (PEISH) - 975 ndjekës dhe ish deputeti Adriatik Alimadhi (PBK) - 1,000 ndjekës.
Pak mbi një mijë është Vasil Sterjovski i partisë së komunitetit maqedonas në Pustec me vetëm 1100 ndjekës, ndërsa pas tij ish deputeti i famshëm Kujtim Gjuzi me vetëm 1 200 ndjekës.
Me vetëm 2800 persona që e ndjekin në rrjetet sociale është edhe Vangjel Dule i PBDNJ-së së komunitetit grek, edhe pse deputet prej shumë legjislaturash dhe që pretendon se ka mbështetje të konsiderueshme. Me një numër më të madh ndjekësish, por gjithsesi shumë modeste vijojnë Gjet Ndoj I PAAK - 3,500 ndjekës, Shpëtim Axhani (PLL) - 2,400 ndjekës, Nikolin Staka (LDN) - 4,600 ndjekës, Sazan Guri (PAEE) - 4,900 ndjekës dhe në fund Arian Starova (BLD) e Artur Roshi (PBKD) me nga 6,400 ndjekës. Me një ndjekje të konsiderueshme mund të quhet vetëm Sali Shehu i Frymës së Re Demokratike me 23,000 ndjekës, por që partia e të cilit nuk shqyhet për ndonjë elektorat të rëndësishëm. Duhet nënvizuar gjithashtu që jo vetëm ndjekësit i kanë “në varfëri” ekstreme por edhe postimet i kanë shumë të rralla, përgjithësisht shëprndarje të ndonjë aktiviteti pa mesazh thelbësor.
Pra, nga një vrojtim i thjeshtë në Facebook i kryetarëve të 20 partive aleate të PD në këto zgjedhje shkon nën 62 000 pëlqime në Facebook, përveç politikanëve që kanë një peshë relative si Ilir Meta, Agron Duka, Fatmir Mediu, Nard Ndoka apo Shpëtim Idrizi. Pra 20 parti me një grusht njerëzish se si mund t’i bëjnë 25% të elektoratit shqiptare, e paprovuar në zgjedhjet e mëparshme, vetëm Belind Këlliçi mund ta shpjegojë deklaratën e tij.
Komente
Medet kush jan keto që njef gjithë Shqipëria . Këto hijena me marr vota
PërgjigjuKy është një stan me çakejtë dhe një gjë është e sigurt NOC RROKUN do fitojnë.
PërgjigjuSe shqiptaret kerkojne te kthehen ne vitin 1991 le tja japin voten ketyre krimineleve .
PërgjigjuSe ne fakt kto qe kane facebook, instagram, tik tok etj, e kan qa!
Përgjigju