Kronikë

Çmimet e larta të frutave dhe perimeve në Tiranë, ankohen qytetarët: Janë të papërballueshme

Çmimet e disa prej frutave dhe perimeve në Tiranë  kanë një diferencë të theksuar me ato nëpër rrethe. Nga një vëzhgim i bërë nga Report Tv, rezulton se preshi, lulelakra, dhe brokoli në tregun e Divjakës tregtohen me një çmim shumë më të ulët se në kryeqytet. Nga ana tjetër këtë vit nuk kemi një prodhim të qepës në vendin tonë, dhe si pasojë është importuar nga vendet fqinje çka ka sjellë edhe rritjen e çmimit të saj.

9 Shkurt 2019, 22:20| Përditesimi: 9 Shkurt 2019, 22:35

  • Share

Çmimet e disa prej fruta-perimeve, në Tiranë vijojnë të mbeten të larta, në krahasim me çmimet nëpër rrethe. Në tregjet agro-ushqimore të Tiranës, çmimet e këtyre produkteve janë tejet të larta, çka ka shkaktuar edhe pakënaqësi tek qytetarët.

"Të gjitha produktet janë rritur. Pa punë jemi. Shumë e vështirë për ta përballuar.Katastrofë.

qytetarja

 "Janë rritur shumë. Për ne që jemi pensionist është shumë e vështirë për t'u përballuar", shprehet një qytetar tjetër.

Ndërkohë që tregëtarët e Divjakës, shprehen se nga çmimet e ulëta nuk kanë aspak leverdi. lulelakra e cila në  Divjakë tregëtohet me 40 lekë, në Tiranë e gjen për 100-120 lekë në varësi të tregut. E njejta gjë ndodh edhe me preshin, ku në Divjakë tregëtohet për 80 lekë ndërsa në Tiranë për 100-120 lekë.

Qepa e thatë nga ana tjetër, ndonëse në sezonin e saj ka arritur çmimin më të lartë ndonjëherë. Ajo tregëtohet për 100-130 lekë dhe arsyeja është se nuk ka prodhim vendas. Ky produkt vjen si import nga Serbia, dhe si pasojë tregëtohet me këtë çmim.

Komento

Komente

  • Sondazhi i ditës:

    Nisi fushata zgjedhore për 11 majin, si e parashikoni?