Itali-Policia italiane ka goditur një rrjet të trafikut ndërkombëtar të drogës dhe ka arrestur 4 shqiptarë dhe një tunizian.
Sipas mediave italiane, pesë të arrestuarit dyshohet se kishin importuar drogën nga Holanda. Vetëm në periudhën prill-nëntor 2020, grupi dyshohet se ka sjellë në Itali 41,5 kilogramë kokainë, 76,5 kilogramë marihuanë dhe 280 kilogramë hashash.
Vlera ekonomike e këtyre ngarkesave të lëndëve narkotike, sipas vlerësimeve të policisë, mund të llogaritet në 5 milionë euro.
Pesë persona janë burgosur me urdhër të gjyqtarit të hetimeve paraprake të Gjykatës së Bolonjës, të akuzuar si pjesë e një organizate kriminale ndërkombëtare të specializuar në trafikun e drogës nga Holanda në Itali.
Komento
Komente
