Conferenca League ka mësuar çiftet për fazën e 1/8. Mesditën e së premtes në Nyon të Zvicrës u hodh shorti për të mësuar edhe tetë përballjet e fazës me eliminim direkt.
Pas hedhjes së shortit kemi përballje interesante. Ajax luan me Aston Villan, ndërkohë që Dinamo e Zagrebit përballet me PAOK-un. Olympiacos luan me Macabi Tel Aviv, ndërkohë që Lille përballet me Sturm Graz.
Formati është i zakonshmi; ndeshje vajtje-ardhje, pa rregullin e golave në fushë kundërshtare. Në rast barazimi pas 180 minutash, do të zhvillohet koha shtesë. Nëse nuk mjaftojnë, do të gjuhen penalltitë.
Ndër rregullat e vendosur nga UEFA për këtë fazë është edhe se skuadrat nga një Federatë nuk mund të përballen mes tyre. Gjithashtu fituesit e grupeve i luajnë ndeshjet e kthimit në shtëpi.
Ndeshjet e para të fazës së 1/8 do të luhen më 7 mars, ndërsa takimet e kthimit një javë më vonë, më 14 mars. Finalja e këtij sezoni në Conference League do luhet në Athinë, kryeqytetin e Greqisë më 29 maj në stadiumin "Shën Sofia".
Rezultatet dhe çiftet pas shortit:
Servette FC - Viktoria Plzen
Ajax - Aston Villa
Molde FK - Club Brugge
Union Saint Gilloise - Fenerbahce
Dinamo Zagreb - PAOK
Sturm Graz - LOSC Lille
Macabi Haifa - Fiorentina
Olympiacos - Macabi Tel Aviv
