Conference League zhvilloi të enjte (13 shkurt) tetë ndeshjet e para të fazës play-off.
Në Belgjikë, Genti u mposht 0-3 nga miqtë e Betis. Spanjollët kanë hedhur një hap të sigurt drejt kalimit në 16 skuadrat më të mira dhe pritet që ndeshja e kthimit mos ketë shumë histori, megjithëse futbolli është i paparashikueshëm. Antony, Bakambu dhe Altimira ishin autorët e golave.
Në Danimarkë vendasit e Copenhagen u mposhtën 1-2 nga Heidenheim. Gjermanët përmbysën ndeshjen në pjesën e dytë me Keller dhe Siersleben, pasi më herët Larsson kishte gjetur epërsinë për vendasit.
Në Helsinki (fushë neutrale), islandezët e Vikingur Reykjavik bënë surprizën duke mposhtur 2-1 Panathinaikos. Atlason dhe Vilhjalmsson shënuan për vendasit, teksa ishte Ioannidis që shënoi një gol shprese për skuadrën greke. Te miqtë debutoi në Kupat e Evropës Elton Fikaj.
Sukses edhe për Shamrock Rovers, Jagiellonia dhe Borac.
Conference League, faza play off - Ndeshjet e para:
Komente
