Conference League mësoi çiftet gjysmëfinale. Në ndeshjet e kthimit çerekfinale, një biletë për më tej e morën Fiorentina, AZ Alkmaar, Basel dhe West Ham.
Në "Artemio Franchi", Fiorentina u mund 2-3 nga Lech Poznan, teksa falë fitores 1-4 në ndeshjen e parë, djemtë e Italianos kalojnë më tej edhe pse fundi ishte dramatik. Alkmaarit iu deshën 120 minuta lojë për të kaluar Anderlechtin, teksa holandezët fituan në shtëpi edhe pas penalltive.
Në Francë, Nice humbi 1-2 me Basel dhe pas 120 minutave lojë janë zviceranët e Taulant Xhakës që kalojnë më tej, duke gjetur në gjysmëfinale Fiorentinën. West Ham bëri detyrën në shtëpi, duke fituar 4-1 me Gent. Tanimë anglezët do luajnë në fazën e radhës me AZ Alkmaar. Ndeshjet e para zhvillohen në 11 maj dhe të kthimit të 18 maj. Finalja e madhe e këtij kompeticioni luhet në 7 qershor në "Eden Park" në Pragë.
Ndeshjet gjysmëfinale:
11 maj
West Ham - AZ Alkmaar
Fiorentina - Basel
Ndeshjet e kthimit në 18 maj
