Conference League luajti katër ndeshjet e para çerekfinale, duke mos munguar surprizat. Gent barazoi 1-1 në Belgjikë me West Ham. Miqtë kaluan të parët në avantazh me Ings në minutën 45+3, teksa në pjesën e dytë barazoi Cuypers për vendasit (57'). Tanimë anglezët kanë një detyrë jo të lehtë në ndeshjen e kthimit në ishull.
Po në Belgjikë, Anderlecht fitoi 2-0 me AZ Alkmaar. Skuadra nga Brukseli kaloi në avantazh qysh në minutën e 22-të me Murillo. Në të 70 minutë Ashimeru shënoi golin e dytë. Basel dhe Nice barazuan 2-2 në Zvicër, me vendasit që u përmbysën por gjetën barazimin.
Në Poloni, Lech Poznan humbi 1-4 me Fiorentinën. Skuadra e Serie A merr një rezultat fantastik në transfertë, duke qenë me një këmbë në gjysmëfinale. Cabral, Gonzales, Bonaventura dhe Ikone shënuan për miqtë, teksa Velde shënoi për Poznan. Ndeshjet e kthimit në Conference League zhvillohen në 20 prill.
Conference League - ndeshjet e para çerekfinale:
Gent 1-1 West Ham
Anderlecht 2-0 AZ Alkmaar
Basel 2-2 Nice
Lech Poznan 1-4 Fiorentina
