Të enjten e 17 prillit u zhvilluan katër ndeshjet e kthimit çerekfinale. Një biletë për më tej siguruan Chelsea, Betis, Fiorentina dhe Djurgarden. Chelsea humbi 1-2 nga Legia, Fiorentina dhe Betis barazuan, ndërsa Djurgarden e siguroi kualifikimin pas shtesës.
Në "Stamford Bridge", Chelsea humbi 1-2 nga Legia e Varshavës, por më tej kalon Chelsea me rezultatin e përgjithshëm 4-2 pas dy takimeve. Pehkart kaloi polakët në epërsi, ndërsa Cucurella barazoi në pjesën e parë. Kapuadi i dha fitoren Legias me golin në pjesën e dytë, por që nuk shërbeu për kualifikimin.
Në Firenze vendasit e Fiorentinës barazuan 2-2 me Celje. Janë italianët që me rezultatin e përgjithshëm 4-3 pas dy përballjeve kalojnë më tej. Mandragora dhe Kean shënuan për 'Violat', teksa Matko e Nemanic për miqtë.
Gjysmëfinalet luhen më 1 dhe 8 maj.
Conference League, faza çerekfinale - Ndeshjet e kthimit:
E enjte, 17 prill 2025 - 21:00
Fiorentina 2-2 Celje
Jagiellonia 1-1 Betis
Chelsea 1-2 Legia
SK Rapid 1-4 Djurgarden
Faza gjysmëfinale:
Betis - Fiorentina
Chelsea - Djurgarden
*Ndeshjet luhen më 1 dhe 8 maj 2025
Rruga drejt finales që luhet në Wroclaw (Poloni) më 28 maj
Komente
