Ivan Perisiç është huazuar tek Bayern Mynih ku dhe është prezuantuar ditën e sotme. Kroati ka firmosur për një vit me Bayern Mynih dhe duket se nuk do të kthehet tek Inter, derisa aty të jetë Antonio Conte. Ishte pikërisht trajneri italian i cili me një vendim, nxori jashtë planeve të tij tre lojtarë kyç tek Inter, Icardin, Naingolan dhe Perisiç.
Kroati edhe pse në moshën 30- vjeçare ishte një lojtar mjaft energjik, i shpejtë dhe premtues tek Inter. Vetëm vitin e kaluar ai u shpall nënkampion bote me kombëtaren e tij Kroacinë. Ai nuk është një lojtar i panjohur në Bundesliga pasi për 2 vite ka luajtur për Borussia Dortmund dhe para se të shkonte tek Inter luajti dy vite për Wolfsburg.
Nuk janë ende të qarta kushtet e kontratës së huazimit, por mediat gjermane bëjnë me dije se 5 milione euro është huaja që Bayern do i paguajë Interit për 1 vit ndërsa për të blerë Ivan Perisiç do i duhet të paguajë edhe 20 milion euro të tjera.
Komente
