Tashmë nuk ka më dyshime, Angel Correa do të jetë futbollisti më i ri i Milanit. Lajmi është dhënë nga spanjollja ‘El Chiringuito’, e cila shkruan se futbollisti sot është përshëndetur me shokët e skuadrës te Atletico Madrid. Për më tepër futbollisti sot nuk është stërvitur me pjesën tjetër të grupit.
Për Corrrea-n kishte kohë që përflitej për një kalim te Milan, por çështje kishte ngecur për shkak se nuk po arrihej akordi mes klubeve. Atletico Madrid kërkonte 55 mln euro, ndërsa Milan nga ana tjetër nuk afronte më shumë se 40.
Sipas këtij burimi ‘tymi i bardhë’ ka dalë për shkak se Maldini dhe Boban, dy drejtues të Milanit, kanë udhëtuar posaçërisht për çështjen në Madrid, duke i ofruar Atletico-s 40 mln euro dhe 30% të kartonit të futbollistit në rast se shitet në të ardhmen.
Komente
