Në SHBA numri i përgjithshëm i vdekjeve të shkaktuara nga infeksioni i koronavirusit është rritur në më shumë se 140 000.
Sipas asaj që del nga të dhënat e Universitetit Johns Hopkins, totali i infeksionet në vend ka shkuar në më shumë se 3 milionë e 800 mijë.
Autoritetet shëndetësore kanë raportuar se në 24 orët e fundit në vend janë regjistruar më shumë se 41 mijë raste të reja të identifikuar pozitiv me Covid-19.
Gjithashtu ka patur edhe 321 viktima nga koronavirusi.
Sipas të dhënave nga Ministria e Shëndetësisë Italiane, gjatë 24 orëve të fundit në vend janë regjistruar 15 viktima nga koronavirusi, për një total prej 35 073 që nga fillimi i emergjencës shëndetësore.
Autoritetet e shëndetësisë raportuan gjithashtu se sot u regjistruan edhe 129 raste të reja pozitiv për një total prej 244.752
Sot numri i të shëruarve në Itali ishte 269 ndërsa numri i përgjithshëm i tyre ka shkuar në 197 431.
Në Itali ka aktualisht 12 248 raste aktive Covid-19.
Në Rajonin e Lombardisë sot u regjistruan 1 viktimë nga koronavirusi për një total prej 16 797 vdekje, si edhe 34 raste të reja të pozitivitetit Covid, shifër që e rrit në 95 582 numrin e të infektuarve që nga fillimi i emergjencës shëndetësore.
Në 24 orët e fundit Ukraina ka raportuar 637 raste të reja infeksioni nga koronavirusi.
Sipas autoriteteve shëndetësore, në vend totali i personave të identifikuar pozitiv, që prej fillimit të pandemisë është rritur në më shumë se 60 mijë.
Gjithashtu në Ukrainë, numri i përgjithshëm i atyre që kanë humbur jetën prej Covid është 1518, teksa në 24 orët e fundit pati edhe 20 vdekje.
Në Rusinë fqinje, janë raportuar në total 782 raste të personave të testuar me infeksionin e koronavirusit kurse numri i përgjithshëm i vdekjeve, prej fillimit të emergjencës shëndetësore është më shumë se 12 560
Pandemia e koronavirusit po përhapet shumë shpejt në La Paz, kryeqytetin e Bolivisë, dhe në Cochabamba, në pjesën perëndimore të vendit.
Zyrtarët shëndetësorë kanë ngritur alarmin teksa në kryeqytet pacientët po vdesin në shtëpitë e tyre pa arritur të marrin shërbim në spitalet e tejmbushur me të prekur nga infeksioni.
Që nga java e kaluar, kurba e Covid është bërë gjithnjë e më e pjerrët.
Në La Paz ka më shumë se 9500 raste koronavirusi.
Bolivia, e cila ka 11 milion banorë, deri më tani ka regjistruar në total 60,000 raste të infektimit dhe 2,151 vdekje.
Argjentina regjistroi një rekord ditor prej 113 vdekjesh nga koronavirus në 24 orët e fundit.
Sipas të dhënave, numri i pergjithshëm i atyre që kanë humbur jetën nga infeksioni, që prej fillimit të pandemisë është rritur në 1373.
Kjo shifër rekord vjen në një kohë kur ky vend i Amerikës së Jugut hoqi disa prej masave të vendosura si pjesë e kufizimit të detyrueshëm dy-javor të vendosur në kryeqytet dhe periferitë e tij, ku janë përqendruar 90% e rasteve të infeksionit.
Rreth 14 nga 44 milionë argjentinasit jetojnë në Buenos, ku u imponua kufizim i rreptë nga 1 deri në 17 korrik.
Brazili ka tejkaluar 80,000 vdekje nga Covid-19 për mbi 2.1 milion raste të konfirmuara të infeksionit.
Në veçanti, sipas të dhënave të siguruara nga Ministria e Shëndetësisë braziliane, në 24 orët e fundit në vend ka pasur 632 vdekje të reja, që e rrisin numrin e përgjithshëm të atyre që kanë humbur jetën prej fillimit të emeegjencës shëndetësore në 80.120.
Autoritetet braziliane regjistruan në 24 orët e kaluara më shumë se 20 mijë raste të reja të identifikuar pozitiv me infeksionin e koronavirusit, të cilat e kanë rritur totalin e të prekurve në 2,118,646.
Ministria e Shëndetësisë e Meksikës raportoi se gjatë 24 orëve të kaluara në vend janë identifikuar me infeksionin e koronavirusit mbi 5000 pacientë.
Gjithashtu numrit të përgjithshëm të vdekjeve i janë shtuar edhe 301 viktima të tjera Covid.
Në vend totali i infeksioneve ka shkuar në rreth 350 mijë kurse totali i viktimave është rritur në afro 40 mijë.
Sipas autoriteteve qeveritare, numri i vërtetë i të infektuarve ka të ngjarë të jetë dukshëm më i lartë se rastet e konfirmuara.
