Masa të rrepta epidemiologjike do të zbatohen në Mal të Zi për shkak të rritjes së shpejtë të numrit të rasteve të reja të infeksionit COVID-19.
Masa më e fortë është ajo futjes së masës së shtetrrethimit në disa qytete dhe kufizimet në funksionimin e objekteve të hotelierisë.
Nga sot parashikohet shtetrrethim nga ora 22.00-05.00 të mëngjesit, si dhe ndalimi i funksionimit të subjekteve të hotelerisë në Nikshiq, Berane, Andrijevicë dhe Rozhaje, qytete me numrin më të lartë të pacientëve, ndërsa në Podgoricë dhe Kotor do reduktohesh orari i shërbimit të bareve deri në orën 22:00
Po ashtu është vendosur që maskë mbrojtëse të mbajnë me detyrim të gjithë banorët mbi moshën pesë vjeç.
Aktualisht ka 3.699 raste aktive të infeksionit në Malin e Zi, ndërsa vetëm në shtatë ditët e fundit 20 njerëz kanë vdekur nga koronavirusi.
Numri i përgjithshëm i viktimave që nga fillimi i pandemisë është 158
