Greqia vendosi të rinisë përdorimin e ilaçit klorokinë për trajtimin e pacientëve me koronavirus, teksa shkencëtarët vazhdojnë të polemizojnë rreth efekteve të saj anësore.
Javën e kaluar, testimet e këtij mjekimi që po kryheshin në Mbretërinë e Bashkuara nën drejtimin e Universitetit të Oksfordit u ndërprenë, mes pretendimeve se nuk kishte prova që ai funksionon kundër sëmundjes.
Shkencëtarët në Greqi thonë se do t`i vazhdojnë eksperimentet me një qasje “të qetë e afatgjatë”.
Epidemiologët grekë e konsiderojnë efikase klorokinën, veçanërisht në fazat fillestare të Covid-19.
“Ne vazhdojmë të mbetemi vigjilentë për një valë të dytë të sëmundjes që mund të ndodhë në vjeshtë. Nivelin e alarmit e mbajmë të lartë, por duke ruajtur qetësinë”, tha Spyros Kintzios i komapnisë Uni-Pharma.
Vendi fqinj është lavdëruar gjerësisht për menaxhimin e bërë pandemisë, falë një reagimi të shpejtë e gjithëpërfshirës, si dhe vullnetit të Athinës zyrtare për të pranuar rekomandimet e këshilltarëve shkencorë.
Shteti që ishte “dërrmuar” nga vite te tëra masash anti-krizë, thotë the Guardian, veproi në kohë duke mbyllur që në mars shkollat e duke imponuar masat e distancimit fizik, e tani numëron vetëm 183 vdekje e 3.000 infektime në 10 milionë banorë.
