Teksa tensionet mes dy vende po rriten nga dita në ditë pas sulmeve të përditshme të SHBA ndaj Kinës duke e akuzuar këtë të fundit se ka fshehur dhe vonuar pandeminë e koronavirusit, sipas Pekinit, argumenti amerikan se pandemia e ka origjinën nga një laborator në Wuhan është i pabazuar kurse OBSH edhe njëherë është shprehur se për këtë fakt nuk ka asnjë provë.
Ndërkohë Pekini zyrtar duket se është hedhur në kundërsulm. Sekretari amerikan i shtetit, Mike Pompeo, dhe ish-strategu i Shtëpisë së Bardhë, Steve Bannon, përfunduan në faqen e parë të ‘Daily China’, zëri i Partisë Komuniste Kineze e cila i quante ata "një çift kllounësh gënjeshtarë", ndërsa Bannon është konsiderohet gjithashtu një "fosil i gjallë i Luftës së Ftohtë".
Bennon, gjatë një emisioni Talk Shoë, tha se Kina kishte kryer një lloj "Chernobyli biologjik" kundër Amerikës, duke mbështetur teorinë se koronavirusi e kishte origjinën në Institutin e Virologjisë Ëuhan, në përputhje me pretendimet e fundit të Shtëpisë së Bardhë.
Vetëm disa ditë më parë, televizioni shtetëror kinez CCTV, në konfirmim të tensionit në rritje midis dy ekonomive të para në planet, denoncoi në mënyrë të përsëritur Mike Pompeo duke e quajtur atë "armikun e përbashkët të njerëzimit" dhe gjithashtu akuzoi SHBA për "përhapjen e një virusi politik" për pretendimet e saj të përsëritura se pandemia ka origjinën në një laborator kinez.
Organizata Botërore e Shëndetit (OBSH) ka deklaruar se nga SHBA nuk i është dërguar asnjë provë që do të vërtetonte se koronavirusi kishte dalë nga ndonjë laborator në Ëuhan.
Mike Ryan, kreu i programit të emergjencës nga koronavirusi i OBSH tha se "koronavirusi është me origjinë natyrore, siç edhe viruset e Ebola dhe Sars, dhe shtoi duke thënë që nëse SHBA kanë të dhëna të ndryshme nga ato të OBSH duhet ti bëjë publike. Ai tha gjuthashtu se "Shkenca duhet të jetë në qendër të kërkime mbi origjina e koronavirusit" dhe se çdo gjë tjetër jashtë shkencës "është politikë".
