495 të infektuar të rinj dhe 9 humbje jete janë shënuar gjatë 24 orëve të fundit në vendin tonë nga koronavirusi. Në të gjithë vendin janë 6,562 pacientë aktivë me COVID-19 në të gjithë vendin. Viktimë e virusit mbeti edhe piktori Kristi Baba në moshën 30 vjeçare.
Gjatë 24 orëve të fundi janë shëruar 606 qytetarë, duke e çuar numrin e të shëruarve në 167,308 që nga fillimi i epidemisë.
Gjatë 24 orëve të fundit janë kryer 3732 testime, nga të cilat kanë rezultuar pozitivë me COVID19, 495 qytetarë, në këto bashki: 258 qytetarë në Tiranë, 35 në Fier, 20 në Lushnje, 19 në Kamëz, 15 në Durrës, 14 në Shkodër, 12 në Vlorë, 10 në Mallakastër, Gjirokastër, 9 në Krujë, 8 në Lezhë, Patos, Korçë, Elbasan, 7 në Pogradec, 5 në Sarandë, Librazhd, 4 në Malësi e Madhe, Pukë, Vorë, 3 në Has, Libohovë, Kuçovë, 2 në Kukës, Tropojë, Mirditë, Shijak, Rrogozhinë, Konispol, Tepelenë, 1 në Fushë- Arrëz, Kurbin, Kavajë, Rroskovec, Divjakë, Selenicë, Përmet, Poliçan, Belsh.
Aktualisht në Spitalet COVID po marrin trajtim 153 pacientë, nga të cilët 25 janë në gjendje më të rënduar.
Me gjithë përpjekjet e mjekëve, në 24 orët e fundit nuk e kanë fituar betejën me COVID19, 9 qytetarë: 4 qytetarë nga Tirana 30- 77 vjeç, 1 qytetar nga Berati 59 vjeç, 1 qytetar nga Lezhë 66 vjeç, 1 qytetar nga Saranda 67 vjeç, 1 qytetar nga Gramshi 77 vjeç, 1 qytetar nga Korça 86 vjeç.
Statistika (14 Tetor 2021)
Raste të reja ditore 495
Të shëruar në 24 orë 606
Të shtruar në spitale 153
Humbje jete në 24 orë 9
Testime ditore 3732
Testime totale 1,250,052
Raste pozitive 176,667
Raste të shëruara 167,308
Raste Aktive 6,562
Humbje jete 2,797
Shpërndarja gjeografike e rasteve aktive sipas qarqeve:
Tiranë 3002
Durrës 782
Fier 666
Shkodër 517
Vlorë 257
Elbasan 281
Lezhë 226
Berat 210
Gjirokastër 207
Kukës 154
Korçë 152
Dibër 108
TIRANË- Në nëntor do të çelte ekspozitën e tij të radhës, por COVID-i ia theu në mes këtë dëshirë, duke i marrë jetën. Piktori i njohur Kristi Baba, nuk ia doli që të fitonte betejën me virusin e pamëshirshëm që e mori në lule të rinisë, në moshën 30-vjeçare. Lajmin e trishtë e dha babai i piktorit, i cili shprehet se ky virus ia shoi çdo ëndërr.
“Me hidhërim të thellë dhe dhimbje të madh ju njoftojmë se djali ynë i vetëm Kristi Baba piktor u nda nga jeta në moshën 30 vjeçare në lulen e rinisë duke mos e fituar betejën me COVID-in. Ti për ne ishe jeta dielli ishe ajri ishe drita e shtëpisë. T’u shuan gjithë ëndrrat e tua dhe përkushtimi që kishe për artin dhe po pregatiteshe për ekspozite në nëntor që nuk ja arrite”, shkruan babai i tij.
Baba një zë i ri i pikturës moderne shqiptare. Ai deklaronte se piktura nuk mbetet thjesht pikturë kur pasqyrohen ndjesitë në të, ajo kthehet automatikisht në një qenie plot jetë dhe është e aftë të komunikoj me ty, e pavarësisht se shpesh herë i duhet edhe të hesht, ajo arrin të marri frymë ashtu e përgjumur në qetësinë e vet si një krijesë përballe teje.
Kristi Baba ka marrë pjesë edhe në disa ekspozita kolektive si: në galerinë FAB në Universitetin e Arteve “ATELIE 2011”; në Muzeun Historik Kombëtar me një cikël të plote punimesh; po në galerinë FAB në ekspozitën “Të gjithë mbi një qiell” ndërsa më përpara ka hapur po një ekspozitë personale me një koleksion punimesh grafike dhe piktura në teknikën vaj dhe pen.
