Shërbimi Informativ i Shtetit (SHISH), në një raport të publikuar për 2020, thekson se situata e pandemisë ka shërbyer që vendi të ishte i ekspozuar ndaj influencave jo -perëndimore. Sipas SHISH, vendi ynë nuk u kërcënua vetëm nga pandemia, por edhe nga vende jo-perëndimore, që u përpoqën të shtonin ndikimin e tyre duke përfituar nga situata e brishtë e vendit për shkak të COVID-19.
Në raport thuhet se këto aktorë globalë jo-perëndimor shfrytëzuan situatën e pandemisë për synimet e tyre gjeostrategjike dhe këtë e bënë përmes përhapjes së teorive konspirative dhe lajmeve të pavërteta lidhur me COVID-19 në mënyrë që të rrisnin pakënaqësinë mes njerëzve, të cilët ndiheshin të frustruar nga masat anti-COVID. Kjo propagandë, sipas SHISH përdoren nga aktorët jo-perëndimor për t'i bërë vendet vurnerabël dhe për të rritur euro-skepticizmin.
"Aktorët globalë jo-perëndimorë shfrytëzuan situatën e shkaktuar nga COVID-19 për synimet e tyre gjeostrategjike, forcimin e pozitës së tyre si aktorë ndërkombëtarë, përçarjen e kohezionit në BE/NATO dhe ndërkombëtar, si dhe kanë mbështetur narrativat e njëri-tjetrit në mjedisin informativ sipas synimeve të tyre. Gjithashtu, përdorën një spektër të gjerë të mjeteve hibride për të ndërmarrë operacione informative përgjatë pandemisë COVID-19, si: ndërmarrja e fushatave mediatike, qarkullimi i lajmeve të rreme, nxitja e shpërndarja e teorive konspirative nëpërmjet medias e rrjeteve sociale, angazhimi i shërbimeve të inteligjencës dhe aktorëve kibernetikë shtetërorë dhe jo-shtetërorë. Kriza shëndetësore globale u shfrytëzua për të promovuar agjenda përçarëse për t’u faktorizuar në arenën ndërkombëtare dhe për të rritur impaktin e aktiviteteve të tyre influencuese. Kjo propagandë përfshiu edhe çdo informacion të gjeneruar nga mediat perëndimore që theksojnë euro-skepticizmin në rritje, si dhe promovuan çdo lajm mbi modelet qeverisëse të tyre si superiore ndaj atyre perëndimore", thuhet në raportin e SHISH.
SHISH thekson se kjo propagandë e aktorëve jo-perëndimor u bë përmes hapësirave online dhe se në vendin tonë dhe rajonin e Ballkanit këto dezinformime shërbenin për të penguar proceset integruese euro-atlantike, për të rritur pakënaqësitë e Ballkanit ndaj BE, inkurajimin e ndjenjave kundër NATO-s si dhe të nxiste tensione ndëretnike me qëllim dobësimin e kohezionit në rajon
"Situata e shkaktuar nga COVID-19 u shoqërua me fushata agresive dezinformimi dhe keqinformimi, të cilat ndikuan negativisht në përgjigjen reaguese dhe perceptimin e publikut mbi rrezikshmërinë reale të pandemisë. Aktorë shtetërorë jo-perëndimorë dhe ata jo-shtetërorë që veprojnë për llogari të tyre, u angazhuan në fushata dezinformacioni dhe në lidhje me COVID-19, duke rënduar krizën dhe minuar përpjekjet për tejkalimin e saj, përfshi supozime se Perëndimi e ka krijuar virusin, se virusi është një armë biologjike, se BE-ja po dështon në menaxhimin e pandemisë, institucionet euro-atlantike nuk kanë kapacitete reaguese kolektive, se do të shpërbëhen nën këtë presion, etj. Në rajon dhe vendin tonë, propaganda dhe dezinformimi përbëjnë një ndër elementët e fushatës hibride që përdorin aktorët jo-perëndimorë në përballjen e tyre gjeopolitike me Perëndimin për arritjen e objektivave strategjike për t’iu kundërvënë dhe penguar proceset integruese euro-atlantike në rajon", thuhet në raportin e SHISH
SHISH shprehet se viti 2020 që u shenjua nga pandemia e COVID-19 pati impakt në çështjet e sigurisë, pasi teoritë konspirative luajtën rol edhe në tablonë ekstremiste të dhunshme, që motivuan në lulëzimin e agjendave populiste e nacionaliste, të nxitur e mbështetur nga grupime të caktuara, të cilat rritën propagandën për përdorimin e dhunës si mjet për të nxitur ndryshimin që duan të shohin në shoqëri.
(Kliko këtu) Pjesë nga Raporti Publik Nr. 3, Viti 2020
Komente
Njerez si Alfred Cako dhe Altin Goxhaj duken ashiqar qe llapin per llogari te armikut
PërgjigjuKujtoi ariu polar se do te gjente shteg per tu rifutur perseru ne Shqiperi dhe te merrte edhe njehere bazen e Vlores.
Përgjigju