KOSOVË- Ministria e Shëndetësisë së Kosovës ka miratuar vaksinimin e fëmijëve me Pfizer nga mosha 12 deri në 15 vjeç. Të gjithë fëmijët mund ta marrin vaksinën në çdo pikë vaksinimi, por kjo do të bëhet vetëm me dëshirën e prindit.
“Përvoja nga shtetet që kanë nisur aplikimin e vaksinës të grup-mosha 12-15 vjeçe, flasin për siguri dhe efikasitet të lartë të kësaj vaksine edhe tek fëmijët, duke i mbrojtur ata nga të gjitha variantet e SARS-COV-2, përderisa efektet e mundshme anësore janë të papërfillshme në raport me përfitimet nga vaksinimi”, shkruhet në njoftim.
Kujtojmë që në Kosovë ishte miratuar vaksinimi i të gjithë qytetarëve nga 16 vjeç e sipër. Ndërkohë që për fëmijët e moshës 12 -15 vjeç vaksina ishte miratuar vetëm për ata që kishin sëmundje shoqëruese, por Ministria e Shëndetësisë ditën e sotme i hapi rrugën vaksinimit të kësaj grupmoshe edhe nëse nuk kanë sëmundje shoqëruese.
Komente
