Me të shkuar ora 09:00 e mëngjesit, nisën lëvizjet e qytetarëve edhe në zonën e "21 dhjetorit" në Tiranë. Duke shfrytëzuar orarin e lejuar për të qarkulluar, këtë të shtunë, ditë kur administrata është pushim, qytetarët e kanë shfrytëzuar fundjavën si një ditë pushimi, duke dalë me fëmijët e në grupe me njëri-tjetrin.
Shumë kanë dalë për pazare, por asnjëri nuk është i vetëm, të gjithë të shoqëruar.
Edhe pse mund të nisen me idenë që janë me familjarët e tyre me të cilët qëndrojnë në shtëpi dhe nuk duhet të ruhen kur dalin, qytetarët harrojnë se më e rëndësishmja është të tregohet kujdes edhe në ecjet në rrugë e trotuar, pasi duhet ruajtur distanca prej të paktën 1.5 metër larg nga njëri-tjetrit, si një nga masat më të rëndësishme për parandalimin e përhapjes së COVID-19.
Tek posta në kryqëzimin e "21 dhjetorit" nga një vëzhgim i Report Tv u vu re prani e shumë qytetarëve në radhë, pa ruajtur distancën dhe shumë pranë njëri-tjetrit edhe pse jo të shumtë në numër.
Lajmi kryesor:
Vëzhgimi/ 8 orë kohë për pazaret, qytetarët dynden në tregje e markete, i shpërndan ushtria e policia (VIDEO)
G.M./r.k./ReportTv.al
Komente
PERSE MOS TA FITOJME I THONE NJE FJALE ME MIRE GJALLE SE SA VDEKUR TE DYJA I KEMI NE DORE VET!.
Përgjigju